«Агачлар юл өстенә аварга мөмкин!»

Безнең редакциягә Чистайда яшәүче 94 яшьлек хатын-кыз шалтыратты. Пенсионер ханым Мебель фабрикасы микрорайонында юл буенда үсүче агачларның торышына борчыла.

— Мин Мебельная урамы, 18 адресы буенча урнашкан күпфатирлы йортның өске катларының берсендә яшим. Тәрәзәләрем Змеевога бара торган юлга чыга, бу юл буенда зур, күпьеллык агачлар үсә. Көчле җил булганда алар бик нык тирбәлә, шыгырдый һәм, миңа калса, юл өстенә аварга мөмкиннәр. Кайберләренең ботаклары сынган һәм асылынып тора. Җаваплы кешеләр бу агачларга игътибар итсеннәр иде, — диде шалтыратучы хатын-кыз.