Аеклыкка тикшерү үтәргә теләмәү сәбәпле, машина йөртү хокукыннан мәхрүм ителгән

Чистайда аеклыкка медицина тикшерүе узудан баш тарткан җирле кешегә карата җинаять эше буенча хөкем карары чыгарылды.

Шәһәр суды материаллары буенча, 6 июльдә төнге вакытта исерек хәлдәге чистайлы «Лада Калина» автомобиле белән идарә иткән. Карл Маркс урамында аны юл-патруль хезмәте хезмәткәрләре туктаткан. Аеклыкка медицина тикшерүен узудан ул баш тарткан.

Ир-ат үз гаебен таныган. Җәза буларак, гаепләнүчегә 1,5 елга транспорт чарасы белән идарә итү хокукыннан мәхрүм итеп, 30 мең сум күләмендә административ штраф билгеләнә.