56 ел хезмәт стажы: Чистай районыннан Надежда Мостафина юбилеен билгеләп үтә
Надежда Мостафина – «Чистай» агрофирмасы үлчәүчесе
«Чистай» агрофирмасы үлчәүчесе Надежда Мостафина 75 яшьлек юбилеен билгеләп үтте. Аның бөтен тормышы хезмәткә тугрылык, җаваплылык һәм үз эшеңне чын күңелдән ярату үрнәге.
Надежда Михайловнаның гомуми хезмәт стажы шаккатыргыч: 56 ел, шуның 22 елын ул авыл хуҗалыгына багышлаган. Чистай районының «Йолдыз» бүлекчәсендә ул үлчәүче булып эшли. Үзенең һөнәри осталыгы, намуслылыгы һәм күпьеллык тәҗрибәсе белән ул хезмәттәшләренең хөрмәтен яулаган.
Хезмәттәшләре билгеләп үткәнчә, Надежда Михайловна эшкә һәрвакыт күңелен бирә, ә аның җаваплылыгы яшь белгечләргә үрнәк булып тора.
Күпьеллык намуслы хезмәте, шулай ук агросәнәгать комплексын үстерүгә керткән зур өлеше өчен быел Надежда Мостафина югары бүләккә – «Татарстан Республикасының атказанган авыл хуҗалыгы хезмәткәре» исеменә тәкъдим ителде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев