15 марттан Татарстанда барлык боз кичүләре вакытлыча эшләүдән туктады
Көннәр җылыту сәбәпле, Татарстанда Яшел Үзән – Түбән Карамалы һәм Аракчино – Югары Ослан боз кичүләрен яптылар
Россия гадәттән тыш хәлләр министрлыгының ТР буенча Баш идарәсендә аңлатуларынча, көннәр җылыту сәбәпле, боз көпшәкләнгән, ныклыгын югалткан һәм җиңел ватыла. Мондый шартларда боз каткан сулыкларга чыгу куркынычы арта.
Су объектларында кешеләр иминлеге бүлеге начальнигы Регина Гаязова бозның калынлыгы алдаучан булырга мөмкин, хәтта ул җитәрлек калын булып күренсә дә, ул инде йөкләнешкә түзә алмый, дип искәртте. Җиһазландырылган кичүләрдән тыш, боз өстенә чыгарга, аны аяк тибеп тикшерергә яки зур булмаган мәйданда күп чокырлар ясарга ярамый. Балыкчыларга сезонны төгәлләргә киңәш итәләр.
Чыганак: «Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев