13 гыйнвар – Россия матбугаты көне!

Замана кешесе мәгълүматсыз яши алмый, аның объектив бирелеше нәкъ менә сездән тора. Сез һәрвакыт район вакыйгаларының үзәгендә кайныйсыз, газета укучылар мәгълүматны вакытында укый алсыннар өчен бар тырышлыгыгызны куясыз. Сезнең эшегез бәйрәм һәм ял көннәрендә дә туктап тормый, сез Чистай районы кешеләре, истәлекле урыннар, ирешелгән уңышлар турында сөйлисез. Сез гражданнарның гозерләрен хакимияткә җиткерәсез, ә хакимияткә халык өчен аңлаешлы булырга ярдәм итәсез һәм якташлар да сезгә ышаныч белдерәләр.

Сезгә илһам, кызыклы, истә калырлык материаллар, яңа проектларның уңышлы тормышка ашуын телим. Һәрвакыт кызыклы һәм кирәкле булып калыгыз.

Дмитрий Иванов, Чистай муниципаль районы башлыгы