Чистайның «Биеклек» командасы «Аҗаган 2.0» зона этабында җиңү яулады

19 апрельдә Казан шәһәренең Кызыл байраклы югары танк команда училищесы базасында ныклыкка, чыдамлыкка, һәм команда бердәмлегенә чын сынау булды. Биредә «Аҗаган 2.0» бөтенроссия хәрби-спорт уенының зона этабы узды.

Катнашучыларга киләчәктә Ватан сакчылары исеменә лаек булуларын исбатларга туры килде. Ярыш программасы бай эчтәлекле һәм чын армия бурычларына максималь рәвештә якынайтылган иде. Командалар сафка тезелүдә һәм спортка әзерлектә күнекмәләрен күрсәттеләр, авырлыкларның хәрбиләштерелгән полосасын, тактик медицина, ут кораллары, радиацион, химик һәм биологик саклану буенча сынаулар уздылар.

Моңардан тыш, яшь сугышчылар алдында гомумхәрби грамоталык, Россия дәүләтчелеге һәм хәрби тарих нигезләре буенча җитди теоретик блок тапшыру бурычы торды.

Өлкән яшьтәге төркемдә Чистай командасы барысын да шаккатырды. Айрат Әхмәтов җитәкчелегендә «Биеклек»командасы (1нче лицей) эшләренең көйле баруын һәм әзерлекнең югары дәрәҗәдә булуын күрсәтте.

Киеренке көрәштә чистайлылар мактаулы 1 урынны яуладылар, шулай итеп алар зона этабының иң көчле командаларының берсе статусын расладылар.