Чистайлы Рәис Ибраһимовка «ТРның атказанган авыл хуҗалыгы механизаторы» дигән мактаулы исем бирелде
Аңа бүләкне Татарстан Республикасы Рәисе Рөстәм Миңнеханов тапшырды
Чистай районы делегациясе Казанда Авыл хуҗалыгы һәм эшкәртү сәнәгате хезмәткәрләре көненә багышланган тантаналы чарада катнашты. Бу хакта социаль челтәрдәге битендә муниципаль район башлыгы Дмитрий Иванов хәбәр итте.
Бәйрәм тантанасы Татарстан Республикасы Рәисе Рөстәм Миңнеханов катнашында узды. Ул аграр тармакның барлык хезмәтчәннәрен якынлашып килүче бәйрәм белән котлады һәм алдынгы авыл хуҗалыгы хезмәткәрләренә бүләкләр тапшырды.
Бүләкләнүчеләр арасында чистайлы, «Чистополье» машина-технология компаниясе» ширкәтенең авыл хуҗалыгы производствосы тракторчы-машинисты Рәис Хәммәтхәсән улы Ибраһимов та бар. Ул «Татарстан Республикасының атказанган авыл хуҗалыгы механизаторы» дигән мактаулы исемгә лаек булды.
Фотолар ТР Рәисенең матбугат хезмәтеннән һәм Д. Ивановның социаль челтәрдәге битеннән алынды
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев