Чистай спортчылары армспорт буенча ил беренчелегендә төрле дәрәҗәдәге медальләр яуладылар

Орел шәһәрендә армрестлинг буенча Россия беренчелеге узды. Масштаблы ярышларда илебезнең 60 төбәгеннән 700дән артык армрестлер катнашты. Безнең республикадан 57 спортчы катнашты, алар арасында Чистайның «Батыр» спорт мәктәбендә тренер-укытучы Радик Камаловта шөгыльләнүче 9 армрестлер бар. Спортчылар бик яхшы нәтиҗәләр күрсәттеләр.

45 килограмм категориядә 14-15 яшьлек кызлар арасында каты көрәш нәтиҗәсендә Ясминә Камалова уң кулы белән – икенче, сул кулы белән өченче булды һәм ике төр ярышта бронза медаль яулады.

60 килограмм категориядә 16-18 яшьлек кызлар арасында Мария Рыбочкина сул кул көрәшендә ышанычлы җиңү яулады, ә уң кул көрәшендә икенче булды. Ике төр ярышта Мария алтын медаль яулады.

19-21 яшьлек кызлар арасында 55 килограмм категориясендә Аделина Фәрхаева чираттагы тапкыр үзенең югары әзерлек дәрәҗәсен күрсәтте. Ул сул кул көрәшендә беренче урынны һәм уң кул көрәшендә икенче урынны алды. Ике төр ярышта Аделина үз категориясендә чемпион булды.

Бу кызлар Россия җыелма командасының төп составына керделәр һәм Венгриядә Европа беренчелегендә һәм Һиндстанда дөнья беренчелегендә Россия исеменнән чыгыш ясаячаклар.

Команданың тагын өч спортчысы:

• Полина Сарыкова – уң кулы белән көрәштә,

• Валерия Тупарева – уң кулы белән көрәштә,

• Әмир Сибгатов сул кулы белән көрәштә дүртенче урынны алдылар.

Команда зачетында барлыгы өч яшь төркемендә Татарстан җыелма командасы ышанычлы рәвештә 2нче урынны яулады, бары тик РСО-Алания җыелма командасыннан гына калышты.

Фото Р. Камаловның социаль челтәрдәге битеннән алынды