Тизлек режимын бозучыларны «робот» тотачак

13.02.2018 16:56 | Җәмгыять Принтерга

Татарстанда «Робот» тизлекне үлчәү системасы радарларын сынау башланды. Җайланмалар «Лада Ларгус» автомобиле базасында булдырылачак.
Яңа система стационар, шулай ук мобиль режимда кулланылачак. «Робот» каршы як полосасына чыккан машина йөртүчене билгеләргә ярдәм итә. Камера алты хәрәкәт итү полосасын күзәтә алачак. Шуның өстенә, ул машина йөртүченең йөзен бер километр ераклыктан билгели ала.
Шундый комплексларны куллануның төп максаты булып юлдагы вәзгыятьнең үзгәрүенә оператив тәэсир итү һәм юл-транспорт вакыйгалары еш була торган урыннарда юл хәрәкәте иминлеген тәэмин итү. Системаның эшләү нәтиҗәлелеге ул хезмәт күрсәтә торган юл участокларында аварияләр күрсәткечләренең кимүе динамикасы буенча бәяләнәчәк.


Будь в курсе последних событий! Читай tatmedia.ru


Фикереңне яз


Робот түгелдерсез бит?
Яңарту