«Онлайн» режимда: Чистай укучылары каникулдан соң читтән торып укуга күчәчәкләр
1 апрельдән мәктәп укучылары гадәти парталар артына түгел, ә өйдәге өстәлләр, планшетлар һәм ноутбуклар артына утырачаклар.
– Килеп туган эпидемиологик вәзгыять шартларына бәйле рәвештә, Татарстан Республикасы Президенты йөкләмәсе буенча, Министрлар Кабинетының санитар-эпидемияләргә каршы комиссиясе карары нигезендә, оешмаларда инфекция таралу куркынычын киметү буенча чаралар күрү максатыннан, 1 апрельдән Чистайда читтән торып укулар оештырылачак, – дип хәбәр ителә мәгариф идарәсе сайтында.
Шәһәр техникумнары, көллиятләре һәм югары уку йортлары студентлары «онлайн» режимда белем ала.
Шулай ук порталда ТР Мәгариф һәм фән министрлыгының ата-аналар һәм мәктәп педагоглары өчен «кайнар линия» ачуы хәбәр ителә, алар читтән торып белем алуга кагылышлы барлык сорауларга да җавап ала алачаклар. Белгечләргә сорауларны (843) 294-95-70 телефоны буенча бирергә мөмкин. Линия эш көннәрендә 9дан 18 сәгатькә кадәр эшли.
Следите за самым важным и интересным в Telegram-каналеТатмедиа
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев