Чистай-информ
  • Рус Тат
  • Йолдызлылар үзгәрешләр көтә

    Нәкъ бер ел элек Йолдыз поселогы мәктәбендә гражданнар җыены булды, анда муниципаль район башлыгы Илдус Әхмәтҗанов та катнашты. Шул вакытта ул чираттагы җыен яңа авыл Мәдәният йортында узачак дип вәгъдә биргән иде. Илдус Тәлгать улы үз сүзен үтәде һәм быелгы очрашу яңа клубта узды, Йолдыз поселогының мәдәният учагы шыгрым тулы...

    Булдырь авыл җирлеге башлыгы Василий Заглядов хәбәр иткәнчә, эш Йолдызда гына түгел, ә Булдырь авылында да алып барыла, ул хәзер яңара башлады - авылга асфальт салдылар, чиркәү төзелә, зират та төзекләндерелә башлады. Узган ел Булдырь авылына юл салынды, ул дәвам итәчәк дип планлаштырыла. Авылда яңа клуб һәм фельдшер-акушерлык пункты төзү планлаштырыла. Авыл җирлегенә торак пунктларны төзекләндерү мәсьәләсендә депутат В. Бухаров зур ярдәм күрсәтә. Быел Бөек Ватан сугышында һәлак булганнарга куелган һәйкәлне капиталь ремонтлау планлаштырыла. Күптән түгел узган муниципаль берәмлекләр съездында гражданнарга үзара салым турындагы мәсьәлә күтәрелде. Яңалык - бу онытылган иске нәрсә: торак пункт җыйган һәр бер сумга республика бюджеты ике сум акча өстәячәк. Мәсәлән, йолдызлылар поселокта су башнясы төзергә булдылар, 100 мең сум акча җыйдылар, ә республика тагын 200 мең өстәячәк. Авыл җирлегендә 300 хуҗалык бар һәм уртак көч белән күп нәрсә эшләргә мөмкин. Һәр хуҗалыктан поселок ихтыяҗы өчен 100әр сум акча җыярга тәкъдим ителде, авыл халкы әлеге инициативаны яклады.
    Шул ук вакытта Йолдызда яшәүчеләр ике контурлы казаннарның начар эшләвеннән, краннардан начар су агудан канәгать түгелләр. Авылда яшәүче бер хатын-кыз махсус рәвештә җыенга пыяла банка белән су алып килгән, ул суны эчәргә ярамый. Әлеге проблема күп еллар көн тәртибендә тора. Авыл торак-коммуналь хуҗалык начальнигы Вилсур Аллиулов әйтеп үткәнчә, поселокта су үткәргеч торбаны ремонтлау мөмкин түгел, яңа скважина борауларга яки шәһәрдән су үткәргеч сузарга кирәк. Шуның өстенә мондый мөмкинлек бар, чөнки янәшәдә генә "Чистай" индустриаль паркы урнашкан, ә аңа инде су үткәрелгән.
    Илдус Әхмәтҗанов авыл халкына күңелле хәбәр җиткерде - Йолдыз поселогы "Чиста су" республика программасына кертелгән. Һәм су белән тәэмин итү җәйгә яхшы якка үзгәрәчәк. Муниципаль власть йолдызлыларны су белән тәэмин итү өчен кулыннан килгәннең барысын да эшләячәк. Башлык әлеге программа хәл ителәчәк, ә менә башка проб­лемаларны, мәсәлән, шәхси ярдәмче хуҗалыкларны үстерүне үзләренә хәл итәргә дип билгеләп үтте. Күп фатирлы торак йортны капиталь ремонтлау һәм тузган торактан күчерү буенча да күп сораулар керә. Йолдыз поселогындагы Комсомольская урамындагы 3 нче йорт дәүләт программасына керде, ул сүтеләчәк һәм яңа йорт төзеләчәк. Федераль һәм республика бюджеты күп фатирлы торак йортларны капиталь ремонтлауга 90 миллион сум акча бүлеп бирсә дә, бу шәһәр өчен генә. Муниципаль бюджеттан авылда, шул исәптә Йолдызда торак фондны яңартуга акча бүлеп бирү планлаштырылган. Йолдызлылар туризмны үстерүгә зур өметләр баглыйлар, чөнки биредә Татарстанның географик үзәге, "Чиста болыннар" тыюлыгы урнашкан.
    Илдус Әхмәтҗанов Булдырь авыл җирлеген үстерү перспективалары зур, иң мөһиме, өстенлекләрне төгәл билгеләргә генә кирәк дигән ышаныч белдерде.
    Нравится
    Поделиться:
    Реклама
    Комментарии (0)
    Осталось символов: