Чистай-информ
  • Рус Тат
  • Эшчеләр җитешми, ә юристлар һәм икътисадчылар буа буарлык

    Югары белемле белгечләрнең артык һәм эшче һөнәре булган белгечләрнең җитмәү проблемасы Чистай муниципаль районы башкарма комитетында узган түгәрәк өстәл вакытында тикшерелде.

    Шәһәрнең югары уку йортлары еш кына эш булмау сәбәпле, мәшгульлек үзәгенә исәпкә басарга мәҗбүр булган белгечләр чыгаралар. Ә эшче һөнәре булган чистайлылар яхшы хезмәт хакы эзләп шәһәребездән Казанга, "Ямашнефть" НГДУына китәләр. "Чистай" индустриаль паркы эшли башлау белән эшче көчнең китүе туктар дип көтелә, хәзер мәктәп укучыларын һөнәр буенча укыту өчен максатчан эш башлау планлаштырыла. Мәсәлән, яшүсмерләр шәһәр предприятиеләрендә, ә кызлар сәламәтлек саклау учреждениеләрендә, сәүдә һәм җәмәгать туклануы предприятиеләрендә практика үтәчәкләр.

    Нравится
    Поделиться:
    Реклама
    Комментарии (0)
    Осталось символов: