Яшь әни Наталья Шамаеваның биш баласы үсә

Биш яшьлек Володяның да көне тулы, чөнки ул балалар бакчасына гына түгел, ә Балалар һәм яшьләр иҗат йортына да йөри, анда бал-спорт биюләре белән шөгыльләнә. Бик ошый, шуның өстенә малайлардан алар нибары өчәү генә һәм кызлар да аларны игътибар үзәгендә тота. Хәзер конкурска әзерләнә.

- Өйдә хәтта әтисе белән күнегүләр үткәрде, - ди әнисе.

Ике яшьлек Варвара иң рәхмәтле тамашачы. Сигез яшьлек Алена да, бию, акробатика белән шөгыльләнә, балалар бакчасыннан ук гимнастика мәктәбенә йөри. Әлегә барысыннан да канәгать һәм үз тормышыннан бернәрсәне дә үзгәртергә теләми. 11 яшьлек Арина бик матур җырлый, ә менә Артем футболчы. Һәм 12 яшьлек яшүсмерне әлеге уеннан читләштерү, күнегүләргә җибәрмәү иң авыр җәза булыр иде.

- Иртән иң беренче булып безнең полицейский китә, - ди елмаеп Наталья Владимировна. - 12 яшьлек Артем кадет мәктәбендә укый, аңа Текә Тауга кадәр барырга кирәк, аннары калганнар мәктәпкә җыена.

- Юк. Минем әти белән әнием генә күп балалы гаиләләрдә тәрбияләнгән. Әйтергә кирәк, элек минем шулкадәр кыз һәм улым булыр дип уйламадым да. Танышларымның да исләре китә: «Наташа, син моны ничек курыкмый эшләдең?» Ә без бу турыда уйламадык та. Зарланмыйм, миңа ошый. Кайвакыт бик авыр була, билгеле, әмма минем ярдәмчеләрем үсте. Ирем китеп эшли, ул еш кына өйдә булмый. Балалар аны бик сагыналар, аның кайтуын көтәләр. Кайтуы һәрвакытта да бәйрәмгә әверелә, шуның өстенә ул бүләкләр белән кайта.

- Әйе, өйрәнергә туры килде. Вова белән декрет ялында утырганда машина йөртергә өйрәндем. Вакытны бушка уздырмадым. Улым да үсәчәк, машина йөртүче танык лыгы да алам. Иң башта руль артына утыруы куркынычрак булды, ә ирем шунда ук кып-кыска итеп: «Үзең генә йөре, өйрән, алайса миңа ышанып торачаксың. Болай тизрәк күнегерсең», - диде. Принципта ул хаклы.

- Әниебез яшь һәм бик матур, - ди Арина. - Ул барысын да булдыра.

- Без замана гаиләсе, яңалыктан курыкмыйбыз, - ди күп балалы әни. - Балалар белән бергә боулингка барабыз, кинога йөрибез, түгәрәк даталарны кафеда билгеләп үтәбез. Туган көнгә шәм куелган торт алыштыргысыз атрибут. Балалар Яңа ел чыршысы янында да теләкләр телиләр, Кыш бабайга кемнең нинди бүләк аласы килүе турында хат язалар. Аларның теләкләрен тормышка ашырырга тырышам.

Наталья Шамаева үзенә күрә энергияле кеше. Ике ел элек ул «Ел хатын-кызы» республика конкурсының бер номинациясендә җиңүче булды. Казанга бүләкләү тантанасына балалары белән бергә барды. Ә менә Бөтенроссия конкурсында катнашудан баш тартырга туры килгән, чөнки ул бишенче баласы белән авырлы булган һәм бер айдан бала туарга тиеш була.

- Мин гөмбә җыярга яратам. Сезон башлану белән шуңа охшаш авыруым башлана сыман. Аңардан башка гына яши алмыйм. Гөмбәгә Алена һәм Арина белән барабыз, кышлыкка әзерләп куябыз. Быел дачалы булдык, анда бөтен нәрсәне дә үстерәбез. Бергәләп эшләгәннән соң еш кына шашлык пешерәбез. Бүгенге көнгә иң зур проблемаларның берсе торак шартларын яхшырту. Безгә күп балалы гаилә буларак йорт төзү өчен бушлай участок бирделәр, әмма ул кайчан тормышка ашырылыр, билгесез, барыбер яхшыга өметләнәбез.

---