Йөкле хатын-кызларга яңа акчалата ярдәм түләнә

Акчалата ярдәм алу кагыйдәләре, тәртибе һәм башка нечкәлекләре турында Россия Пенсия фонды бүлегенең Татарстан Республикасы буенча Чистай районындагы клиент хезмәте җитәкчесе Надежда Сергеева сөйләде.

– Акчалата ярдәм кемгә тиеш?

– Барысы да билгеләнешләрнең төп шартларына бәйле, алар барысы да бер үк вакытта үтәлергә тиеш. Беренчедән, йөклелекнең 12 атнасына кадәр исәпкә басарга кирәк, икенчедән, хисап чорында гаиләнең җан башына уртача кереме төбәктә җан башына яшәү минимумыннан артмаска тиеш. Мөрәҗәгать иткән вакытта барлык гаилә әгъзаларының мөлкәте 3 яшьтән 7 яшькә кадәрге балаларга түләүләр өчен кагыйдәләр исемлегенә керә. Нульле керем кагыйдәсе үтәлә – керем бар яки булмавының нигезле сәбәбе. Теләсә нинди сәбәп түгел, ә нәкъ менә расланган исемлектәге сәбәп. Игътибар итегез: бу исемлектә гражданлык турында шартлар юк. Ягъни ай саен бирелә торган түләүне РФ гражданлыгы булмаган чит ил кешесе – йөкле хатын-кыз алырга мөмкин. Әмма Россиядә вакытлыча яшәүгә рөхсәт булырга тиеш.

– 2021 елның 1 июленә кадәр йөклелекнең иртә срокларында медицина оешмасында исәпкә баскан һәм Федераль закон нормалары нигезендә бер тапкыр бирелә торган акчалата ярдәм алган хатын-кыз ай саен бирелә торган ярдәмне алырга хокуклымы?

– Әйе, андый хатын-кызларга акчалата ярдәм билгеләү хокукы бар. Шул ук вакытта йөклелекнең иртә срокларында медицина оешмасында исәпкә баскан хатын-кызга ай саен бирелә торган акчалата ярдәм, йөклелек кимендә унике атна булган очракта, 2021 елның 1 июленнән дә соңга калмыйча билгеләнә.

– Социаль иминият фондыннан медицина оешмасына мөрәҗәгать итү турында мәгълүмат кермәгән очракта, пенсия фонда органы нинди карар кабул итә?

– Россия пенсия фондының территориаль органы ай саен бирелә торган акчалата ярдәм түләүне туктатып тору турында карар кабул итә. Мондый мәгълүмат йөклелекнең 14, 22 һәм 32 атнасы узгач кирәк. Киресе булган очракта, акчалата ярдәм түләү шул рәвешчә йөклелекнең 14, 22 һәм 32 атнасы узган айдан соң килгән айның 1 нче числосыннан туктатыла.

– Хатын-кызның медицина оешмасына 32 атна узгач баруы турында мәгълүмат кергәч, ай саен бирелә торган түләү, мәгълүмат булмау сәбәпле, йөклелекнең 14 атнасыннан соң туктатылган булса, аны түләү кайсы вакыттан соң яңадан торгызыла?

– Ай саен бирелә торган акчалата түләүне туктатылган айдан соң яңадан торгызу турында карар кабул ителә. Димәк, акчалата ярдәм түләү туктатылган датадан башлана.

– Сак астына алынган яки иректән мәхрүм итү рәвешендә җәза үтүче хатын-кызлар җинаять-башкару системасы учреждениеләрендә йөклелекнең иртә срокларында исәпкә куелуга бәйле рәвештә акчалата ярдәм билгеләү хокукына ияме?

– Юк, чөнки аларны тулысынча дәүләт тәэмин итә.