Яңа вакцинация пункты ачылды

Тагын бер стационар вакцинация пункты ачылды. Ул Карл Маркс урамы, 59/3нче йорт, 2нче номерлы терминал адресы буенча урнашкан. Эш режимы 8дән 16 сәгатькә кадәр. Шимбә һәм якшәмбе – ял көннәре.

Тагын бер пункт элеккечә үк Чистай үзәк район дәваханәсе поликлиникасында Галактионов урамы, 88нче йорт, 114нче кабинетта урнашкан. Аның эш режимы эш көннәрендә 8дән 15 сәгатькә кадәр, шимбә көнне 8дән 12 сәгатькә кадәр. Якшәмбе – ял көне.

Вакцинациягә дистанцион рәвештә Бердәм дәүләт хезмәтләре порталында язылырга мөмкин. Язылу һәм коронавируска каршы прививка ясату буенча сораулар туган очракта 5-22-90, 5-10-03 телефоннарына шалтыратырга мөмкин. Шалтыратулар эш көннәрендә 8дән 17 сәгатькә кадәр кабул ителә.