Спортзалның икенче тормышы

Соңгы елларда шәһәрнең җәмәгать киңлекләре үзгәреп тора, ял, спорт белән шөгыльләнү өчен яңа урыннар барлыкка килә. Район башлыгы, 5нче номерлы ТҖСның җирле үзидарәсенең җәмәгать советы ярдәмендә автовокзал микрорайонында сизелерлек үзгәрешләр барлыкка килде.

«Сугышчан туганлык» оеш ма сының актив җәмәгать эшчәнлеге ярдәме белән безнең шәһәрдә спорт белән шөгыльләнү өчен яңа бер мәйданчык барлыкка килде. Элеккеге спорт залы икенче тормыш алды.

– «Сугышчан туганлык» җәмгыяте спортзалны арендалау буенча килешү төзеде. Җәмгыять әгъзалары биналарда тәртип урнаштырдылар, генераль чистарту үткәрделәр, яктырткычны тәртипкә китер деләр, идәнне ремонтладылар, моңардан тыш активистлар тренажерлар, теннис өстәлләре китерделәр һәм урнаштырдылар. Барлык җиһазлар да Татарстан Республикасы икътисад министрлыгының грант ярдәме белән алынды. Территориядә үскән каракураны чаптылар, эскәмияләрне буядылар, «Ватан» өчен башларын салган моряклар истәлегенә «Якорь» истәлек билгесе куйдылар, – дип сөйли спорт залындагы үзгәрешләр турында 5нче номерлы ТҖСы җитәкчесе Дмитрий Забегаев.

Әлеге башлангычта «Татнефть-Олимп» стадионы директоры Рөстәм Хамматов та бинаны сантехник җиһазлар белән җиһазландыруда үз өлешен кертте.

«Сугышчан дуслык» оешмасы әгъзалары, төрле еллар дагы сугышчан вакыйга лар да катнашучылар, мик ро район да яшәүчеләр, предприя тие хезмәткәрләре һәм дин әһел ләре спорзалга тартылалар. Хәзер биредә теннис, волейбол уйнарга, тренажерларда шөгыльләнергә һәм сугышчан дуслар белән очрашырга мөмкин.

Оешма җитәкчесе тренировкалар расписаниесен төзегән. «Сугышчан туганлык» җәмгыяте әгъзаларыннан тыш спортзалда әлеге территориядә эшләүче предприятие һәм оешма коллективлары спортның төрле төрләре буенча дәресләр һәм тренировкалар үткәрергә планлаштыралар.

– «Сугышчан туганлык» җәмгыяте үзенең мисалы белән балаларны, яшьләрне һәм өлкән кешеләрне дә спортка тарта һәм сәламәт рәвеше алып барырга чакыра. Ул үрнәк күрсәтә һәм һәрвакыт Ватанны саклаучы бабаларыбыз истәлеген саклый, – дип ассызыклый Дмитрий Иванович.

Ул шулай ук Чернышевский урамындагы «Энергетик лар» скверында былтырның сентябрендә ясалма өслек белән футбол мәйданчыгы ачылудан соң микрорайонда күләмле спортның актив үсә башлавын билгеләп үтте.

– Яңа спорт мәйданчыгы сигез команда өчен күнегүләр урыны булып хезмәт итә, шуларның икесе – балаларныкы, калганнары – ишегалдыныкы. Моңардан тыш, безнең микрорайон предприятиеләре һәм оешмалары биредә спорт бәйрәмнәре, коллективлар арасында футбол турнир лары үткәрәләр, шулай ук күрше шәһәрләрдән башка командаларны чакырып балалар турнирлары оештыралар. Китапханә катнашында сквер территориясендә Балаларны яклау көне һәм «Безнең яраткан Пушкин» чарасы үткәрелде. Скверда мәйданчык иртәдән кичкә кадәр гөр килеп тора, якты. Шәһәрнең төрле районнарыннан командалар уйный һәм күнекмәләр ясый, – дип билгеләп үтә ТҖСы җитәкчесе.

Спорт сөючеләрне һәм сәламәт яшәү рәвеше алып барырга теләүчеләрне Карл Маркс урамы 166 йортында урнашкан элеккеге Сельхозтехника спортзалына (5-26-97 телефоны буенча Рәфис Мәхмүтовка мөрәҗәгать итәргә) һәм «Энергетиклар» скверына (Дмитрий Анатольевич Мисолинга 5-34-28 телефоны буенча мөрәҗәгать итәргә) чакыралар. Биредә сез күңелегезгә хуш килгән шөгыль таба алачаксыз. Шулай ук төрле тренажерларда күнегүләр ясарга һәм шөгыльләнергә мөмкин.