Чистай-информ
  • Рус Тат
  • Сак булыгыз: юл аркылы сукыр чыга

    Юлларда куркынычсызлык - көнүзәк темаларның берсе, ә сукырлар өчен ул һәрвакытта да борчу тудыра.

    Начар күрүче кешеләр машиналар йөри торган юлны аркылы чыкканда, башка җәяүлеләргә караганда, күбрәк куркыныч кичерәләр. Үз юлыңны ничек куркынычсыз һәм, чыннан да, хәерле итү турында Бөтенроссия сукырлар җәмгыятенең җирле оешма әгъзалары безнең урамнарда аварияле хәлләрне булдырмыйча, хезмәт бурычы буенча куркынычсыз хәрәкәт итүгә контроль булдырырга тиешле кешеләр белән сөйләштеләр. Җыелучыларның сорауларына ЮХИДИ бүлеге хезмәткәрләре - юл күзәтчелегенең өлкән дәүләт инспекторы Олег Потемкин, юл хәрәкәте иминлеген пропагандалау буенча инспектор Госман Хәкимов, "Транссигнал" ширкәте директоры Илдар Мөхлисов җавап бирделәр.
    Җирле сукырлар оешмасы рәисе Рифкать Гардиев, аерым алганда, мөмкин булганча машиналар күп йөри торган шәһәр урамнары чатында урнашкан светофор объектларын тавыш сигнализациясе белән җиһазландыруны үтенде. Күрмәүче җәяүле өчен - бу бик зур ярдәм, потенциаль куркынычтан саклану. Киләчәктә, бәлки, "Уңайлы мохит" проектын гамәлгә ашыру кысаларында планлаштырганны тормышка ашыру мөмкинлеге барлыкка килер. Моны шулай ук очрашуга чакырылган социаль яклау идарәсе начальнигы Нина Усанова да билгеләп үтте.
    Бирегә килгән күрү буенча инвалидлар онытылган "ак таякчык" кагыйдәсе турында искә төшерделәр. Аның нигезендә җәяүле, таягын бераз күтәреп, машиналар йөри торган юлны чикләүләрсез аркылы чыгарга мөмкин, машина йөртүчеләр аңа хәрәкәттә өстенлек бирергә тиешләр. Әлеге кагыйдә, ЮХИДИ хезмәткәрләре ышандырганча, үз көчендә кала, тик транспорт агымы арту сәбәпле, аны практикада куллану елдан-ел авырлаша. Шунысы сөендерә, безнең арабызда ярдәмчел, мәрхәмәтле, күрмәүче җәяүленең урамның икенче ягына чыгарга ярдәм итү үтенечен бик теләп үтәүче кешеләр шактый. Һичшиксез, ишегалларында, кайбер офислар янында машиналарның ничек кирәк шулай, җәяүлеләр өчен билгеле кыенлык­лар тудырып калдырылуы мәсьәләсе игътибар үзәгендә булды. Вахитов һәм Либкнехт урамнары чатында җәяүлеләр уза торган юлны урнаштыру кирәклеге туды, шәһәрнең әлеге өлешендә Сәламәтлек йорты ачылды, сугыш ветераннары өчен күп катлы торак йорт файдалануга тапшырылды, кибет эшли.
    ЮХИДИ бүлегенең пропагандалау инспекторы Г. Хәкимов оешма әгъзаларының яшь юл хәрәкәте инспекторлары белән берлектә "Игътибар: сукыр!" дигән акция, рейд үткәрү турындагы тәкъдимне хуплады. Мәктәп укучылары өчен - бу юл хәрәкәте кагыйдәләрен белүне ныгытуның тагын бер мөмкинлеге генә түгел. Әлеге бердәм кисәтү чарасы балаларга күрү буенча инвалидлар очрашкан проблемаларның берсенә уйлап якын килергә ярдәм итәчәк.
    -Малайларга һәм кызларга шәфкатьлелек, ярдәмчел булу турында күп тапкырлар сөйләргә мөмкин, әмма бер үрнәк сүзгә караганда күпкә ышандырырлык була,- ди "ТР юл хәрәкәте куркынычсызлыгы буенча фәнни һәм белем бирү программаларын финанс­лау дирекциясе" ДУның Чистай филиалы директоры Светлана Сидорова, әлеге чараны оештыручы. -Без, һичшиксез, тиздән әлеге идеяне тормышка ашыруга кайтачакбыз, шундый рейдлар даими булыр дип ышанам.
    Светлана Рамазановна сүзләренә караганда, юл хәрәкәте куркынычсызлыгы проблемасы буенча "түгәрәк өстәл" янында шундый фикер алышу шәһәр инвалидлар җәмгыятендә дә булачак.
    Нравится
    Поделиться:
    Реклама
    Комментарии (0)
    Осталось символов: