Районда хуҗалык итүнең кече формалары үсә
Бу көннәрдә Аксубай поселогында авыл халкының эшлекле активлыгын арттыру һәм авылда хуҗалык итүнең кече формаларын үстерү мәсьәләләре буенча беренче зона семинар-киңәшмәсе булып узды, анда чистайлылар да катнаштылар.
Аны ТР Дәүләт Советы Рәисе Фәрит Мөхәммәтшин алып барды, ул авыл хуҗалыгы тармагында өстенлекле юнәлешләрнең берсе итеп киләсе елда кулланучылар кооперациясе системасын булдыруны атады.
Чистай районын башлыкның беренче урынбасары Рөстәм Хамматов, авыл хуҗалыгы һәм азык-төлек идарәсе начальнигы Иван Чурин, шулай ук авыл җирлекләре башлыклары тәкъдим иттеләр.
Үз чыгышының башында Дәүләт Советы Рәисе Фәрит Мөхәммәтшин соңгы елларда җирлек дәрәҗәсенә кадәр кабул ителә торган территориаль үсеш программаларының авыл хуҗалыгы икътисадын анализлау һәм планлаштыруның нәтиҗәле коралы булып торуын билгеләп үтте. Республиканың авыл хуҗалыгы тармагында «кече сектор» өлешен анализлап, Дәүләт Советы Рәисе кече бизнес субъектлары тарафыннан агросәнәгать комплексы тулай продукциясенең яртысына кадәр җитештерелүен, аларның мөгезле эре терлек санының өчтән бер өлешен (28,2 процентын) асрауларын билгеләп үтте. Шуңа күрә Татарстанда хуҗалык итүнең кече формаларына ярдәм күрсәтү системасы үз эченә стимуллаштыруның тулы чаралар комплексын ала.
Татарстанның илдә гаилә фермаларын төзү буенча беренче урында торуы сөендерә. Хәзерге вакытта шундый 1182 гаилә фермасы исәпләнә.
Шулай ук чара кысаларында төрле номинацияләр буенча конкурста җиңүчеләрне бүләкләү булды. «Иң яхшы авыл җирлеге» номинациясендә Чистай авыл җирлеге җиңүче дип табылды. Бүләкне җирлек башлыгы Ришат Мәкъсүмов алды.
«Иң яхшы шәхси ярдәмче хуҗалык» номинациясендә Гаделша авылыннан Радик Сәгыйтдинов, «Иң яхшы гаилә фермасы» номинациясендә Кече Талкыш авылыннан Андрей Иванов җиңүче дип табылдылар.
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84