Проект толерантлык яклыларны җыя
Медицина училищесында икенче ел инде "Аңлау аша үзара элемтәгә" дигән проект тормышка ашырыла, ул этник, дини һәм сәяси күренешләргә түзеп тормаучы мәдәни, тарихи һәм әхлакый кыйммәтләрне ныгытуга юнәлдерелгән.
Хәзерге җәмгыятьтә милли, этник, социаль һәм сәяси экстремизм проблемалары кискен тора. Җәмгыятьтәге социаль-мәдәни күренешләрне төгәл кабул итүче категория буларак, яшьләргә аеруча игътибар бирелергә тиеш. Училищеда әлеге юнәлеш буенча системалы эш алып барыла. Яшьләр арасында экстремизм күренешләрен кисәтү алымнарының берсе булып төрле берләшмәләр арасындагы әңгәмә санала. Үзара әңгәмә, үзара аңлау һәм бергәләп кайгыру кешеләрне экстремизмга каршы көрәшкә берләштерә. Толерантлык аңын формалаштыруга төрле чаралар үткәрү ярдәм итә, ә бу тематик сыйныф сәгатьләре, психологик тренинглар, иншалар, плакатлар конкурслары, мультимедиалы тәкъдим итүләр, хокук тәртибе органнары хезмәткәрләре белән очрашулар. Татарстан Республикасы территориясендә эшләүче традицион дин конфессияләре вәкилләре белән очрашулар да традициягә әверелделәр. Анда толерантлык тәртибе, дини түзеп тору һәм дуслык мөнәсәбәтләрен формалаштыру дәвам итә. Экстремизмны кисәтүнең иң нәтиҗәле алымнарының берсе булып яшьләрне ял итүгә: спорт секцияләренә, иҗат студияләренә, студентларның фәнни түгәрәкләренә, волонтерлар берләшмәләренә актив тарту тора. Шулай итеп, безнең училищеда студентларның активлыгына, инициативалылыгына, аны тәрбияләүне стимуллаштыруга, төрле тормыш шартларында башка кешеләр белән мөнәсәбәтләрдә үзеңне кулда тотуга, экстремизмга каршы көрәштә актив гражданлык позициясенә таянып максатчан эш алып барыла.
