Һөнәри бәйрәмегез котлы булсын!

10 октябрьдә сез Авыл хуҗалыгы һәм эшкәртү сәнәгате хезмәтчәннәре көнен билгеләп үтәсез. Шушы көзге көннәрдә без сезне, көчле рухлы, хезмәт сөючән кешеләрне, хөрмәтлибез. Һава торышының көйсезлегенә, көндәлек авыр хезмәтегезгә карамастан, сез бөртекле культуралардан яхшы уңыш алдыгыз, кышка запас тупладыгыз. Сез районыбызның азык-төлек иминлеген тәэмин итәсез. Техник алгарыш ничек кенә тиз үссә дә, авыл хуҗалыгыннан башка яшәп булмый.

Ветераннарыбызга авыр хезмәтләре, зирәк булулары, белемнәрен, тәҗрибәләрен яшь буынга тапшырулары өчен рәхмәтемне белдерәм.

Җирдә хезмәт итүчеләргә мул уңыш алуларын, техниканың төзек, һава торышының уңай булуын, нык сәламәтлек телим!

Дмитрий Иванов, Чистай муниципаль районы башлыгы