Чистай-информ
  • Рус Тат
  • Меңнән артыграк кеше бер көн эчендә безнең шәһәрне күреп китте

    Милли киемнәрдән артистлар икмәк һәм чәк-чәк белән каршы алдылар, ә «Шапчак» чуваш халык җыр һәм бию ансамбле матур чыгышлары белән ял итүчеләрнең күңелен күрде.

    Кунакларга шулай кабул итү­ләре бик ошады. Алар күңел ачу программасында актив катнаштылар, таныш җырларны кушылып җырладылар, биеделәр.
    - Безне шундый җылы кабул иттеләр һәм көне буена җитәрлек бик матур тәэсирләр бүләк иттеләр! Бик күңелле булды, - дип билгеләп үтте Свердловск өлкәсе Каменск-Уральский шәһәреннән Наталья Нохрина. - Казан безне яңгыр белән каршы алды, ә биредә кояш балкый һәм шундый кунакчыл кешеләр.
    28 июньдә Чистайга биш туристик теплоход: «Бородино», «Коротков», «Урал», «Булгаков» һәм «Некрасов» килде.
    - Безгә меңнән артыграк турист килде. Безнең шәһәр өчен бу җитди сан. Кунакларны каршы алу өчен шәһәр учреждениелә­ре, шәһәр башкарма комитеты һәм мәдәният бүлеге җәлеп ителде. Элек туристларның иң зур саны 600-700 кешегә җитә иде, - дип билгеләп үтә Чистай дәүләт тарихи-архитектура һәм әдәби музей-тыюлыгы директоры Александр Печенкин.
    Туристлар шәһәр урамнары буйлап җәяү йөрделәр, тарихи үзәк һәм шәһәрнең мемориаль музейлары белән таныша алдылар, алар өчен шәһәр буенча күзәтү экскурсиясе үткәрелде.
    Кунаклар экскурсияне алып баручыларны кызыксынып тыңладылар, борынгы архитектурага сокландылар. Экскурсияләрдән кешеләр рухи канәгатьләнү алдылар, алар Чулман буендагы кечкенә шәһәрнең ерак үткәненә кире кайткандай булдылар.
    - Шәһәргә якынлашканда без тау битендә мәһабәт Никольский соборын күрдек. Экскурсия вакытында безгә аның тарихы турында сөйләделәр, - ди Татьяна Кус­това. - Шәһәрдән бары уңай тәэсирләр генә калды. Матур архитектура, кызык­лы музей экспонатлары. Шәһәр кайсыдыр ягы белән Петербургка да охшаган. Биредә тарихны саклаулары сөендерә.
    - Шәһәрдә яшәүчеләр, бигрәк тә мәдәният белән шө­гыль­ләнүчеләр һәм ата-бабалары­быздан калган мирасны саклаучылар алдында баш иябез. Мин Чистай үзенә лаеклы урынны яулар әле дип өметләнәм, - диде Санкт-Петербург шәһәренең Йосып музее директоры, теплоходта турист буларак килгән Нина Кукурузова.
    Шәһәр күренешләре күбесен шулкадәр җәлеп итә, алар хәтта үз язмышларын Чистай белән бәйләргә һәм бирегә күченеп килергә дә уйлап торалар. Шулай, Адыгея республикасыннан Леонид Фомичев тормыш иптәше белән бергә безнең шәһәргә күченеп кайту турында җитди уйлап торалар.
    - Матур шәһәр! Янәшәдә генә елга, урман, басулар... Бәхет өчен кешегә тагын нәрсә кирәк?! - дип билгеләп үтте ир-ат.
    Туристларда шәһәребезнең яхшы тәэсирләр калдыруы сөендерә. Аларда бирегә кабат килү теләге артыр дип ышанабыз.

    Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз

    Иң мөһим һәм кызыклы язмаларны Татмедиа Telegram-каналында укыгыз


    Теги: чистай
    Нравится
    Поделиться:
    Реклама
    Комментарии (0)
    Осталось символов: