Җәмгыять
Мәчетләрдә дини-сәламәтләндерү үзәкләре эшли башлады
Бу көннәрдә Чистайның «Нур», «Әнәс», «Әниләр» мәчетләре каршындагы дини-сәламәтләндерү үзәкләре балаларга үз ишекләрен ачты.
Малайларның һәм кызларның җәйге каникул көннәрен күңелле, кызык һәм файдалы үткәрү мөмкинлеге барлыкка килде.
Мәчетләр каршында эшләп килүче дини-сәламәтләндерү үзәкләрендә балалар ислам дине нигезләрен, кануннарын үзләштерә, Коръән уку буенча белемнәр ала, шул ук вакытта үз сәламәтлекләрен, физик күнекмәләрен ныгыта алалар. Дини-сәламәтләндерү үзәкләре программасы үз эченә дәресләр, саф һавада уеннар һәм күптөрле тематик чараларны ала.
-Барлыгы быел якынча 240 баланы җәлеп итү планлаштырыла, - ди Чистай шәһәре һәм районы имам-мөхтәсибе Мөхәммәт хәзрәт Кыямов.
Малайларга һәм кызларга менә дигән, кызыклы, бай эчтәлекле, күңелле ял телибез!
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Следите за самым важным и интересным в Telegram-каналеТатмедиа
Нет комментариев