Хөрмәтле прокуратура хезмәткәрләре һәм ветераннары!
1722 елда нигез салынган прокуратура бүген дә хокук тәртибе сагында тора, Россия Федерациясе Конституциясе тарафыннан гарантияләнгән гражданнар хокукларын һәм иреген тәэмин итә.
Прокуратура хезмәткәрләре алдында катлаулы һәм җаваплы бурыч – законны тайпылышсыз үтәү, эшчәнлекнең барлык төрләрен контрольлек итү, тормышның барлык тармакларында тәртипне күзәтү тора.
Чистай прокуратурасы хезмәткәрләрен эшкә тугрылык, намуслылык, югары җаваплылык, закон бозуларга карата килешмәүчәнлек аерып тора. Сезнең ярдәмегез белән җәмгыять тормышы тагын да куркынычсызрак була бара.
Хөрмәтле прокуратура хезмәткәрләре һәм ветераннары! Сезгә фидакарь хезмәтегез, законсызлык белән көрәшүгә саллы өлеш кертүегез, катлаулы мәсьәләләрдә чыгу юлы таба белүегез һәм һәрвакыт дөреслек хакына көрәшүегез өчен чын күңелдән рәхмәтлебез.
Һөнәри бәйрәмегез белән котлауларны кабул итегез. Сезгә ныклы сәламәтлек, җиңел булмаган хезмәтегездә уңышлар, һөнәри үсеш, гаилә җылысы, иминлек, дөньяларның имин булуын һәм чәчәк атуын телим!
Дмитрий ИВАНОВ, Чистай муниципаль районы башлыгы
Следите за самым важным и интересным в Telegram-каналеТатмедиа
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев