Карлы кышка әзерләр
Соңгы елларда карның күп явуы җитди проблемага әверелде, аны чистартуда авырлыклар барлыкка килде.Шуңа күрә муниципаль район башлыгы И. Әхмәтҗанов инициативасы буенча шәһәрнең тормыш эшчәнлеген тәэмин итүче предприятиеләрдә һәм оешмаларда кардан чистарту техникасын карау үткәрелә. Кышкы шартларда автомобильләрнең һәм механизмнарның эшкә әзерлеге тикшерелә.
Дүшәмбе көнне шундый чара "Торак комплекс" ИКдә дә узды. Идарәче компаниянең базасына муниципаль район башкарма комитеты җитәкчесе Д. Иванов һәм шәһәр башкарма комитеты җитәкчесе Р. Миңголов килделәр, алар техниканың әзерлеген тикшерделәр. Сүз уңаенда, предприятиенең бөтен техникасы инде көз башында ук әзер иде. Түбәләрне кардан һәм боздан чистарту өчен өч автокүтәргеч җәлеп ителгән. Дүрт трактор һәм дүрт үзбушаткычтан кала, Чистай урамнарыннан карны шулай ук кече механизация чаралары чистартачаклар. Инде булган өч "Патриот" шнекороторына, ә алар 4-5 урам себерүченең эшен алыштыралар, өстәмә рәвештә тагын дүрт сатып алынган. Шулай ук быел чүмечле торактор һәм "УАЗ" машинасы сатып алганнар, ул авария хезмәтендә җәлеп ителәчәк.
Моннан тыш, бензогенераторлар, мотопомплар, бензокискечләр, агач ботаклары кискече, эретеп ябыштыру агрегатлары сатып алынган. Кеше ресурсы да мөһим. Хезмәт күрсәтүче дүрт торак оешмада 140тан артыграк урам себерүче исәпләнә, алар ишегалларында һәм урамнарда чисталык, тәртип тәэмин итәләр. Торакчылар шулай ук 300 мең сумга эш кораллары - көрәкләр, кыргычлар сатып алганнар.
Д. Иванов һәм Р. Миңголов кардан чистартучы техниканы карап, предприятиенең югары әзерлеген билгеләп үттеләр, коллектив белән төрле проблемалар турында сөйләштеләр.
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84