Габдулла Тукайның тууына — 138 ел!

Татар Баганалысы авылында мәктәп укучылары, укытучылары, китапханә җитәкчесе белән берлектә Г. Тукайның туган көненә багышланган «Тукай эзләре буйлап» дип исемләнгән кичә үткәрелде.

Кичәдә малайлар һәм кызлар бик теләп Г. Тукай шигырьләрен яттан сөйләделәр, викторина сорауларына җавап бирделәр, әкиятләрен, шигырьләрен сәхнәләштерделәр. Кичәне оештыручылар укучыларны Г. Тукайның тормыш юлы белән таныштырдылар. Чара Г. Тукай шигыре, татар халык көенә язылган «Туган тел» жыры белән тәмамланды.

Фотолар Татар Баганалысы мәдәният йорты сайтыннан алынды