Җәмгыять
Егетләребезнең күбесе шефлыкка алынган частьта хезмәт итә
2016 елның көзге чакырылыш кампаниясе төгәлләнде.
90 яшь чистайлы солдат булды. Бүгенге көндә безнең егетләребез илнең төрле гаскәрләрендә хезмәт итәләр. Болар - җәяүле гаскәрләр частьләре, һава-космик көчләр, хәрби-диңгез флоты һәм стратегик билгеләнештәге ракета гаскәрләре, милли гвардия.
Аларның частьлары Екатеринбург, Мәскәү, Новосибирск, Омск, Севастополь, Архангельск шәһәрләрендә һәм Россиянең башка төбәкләрендә тупланган.
- 32 чистайлы Наро-Фоминскида, шефлыкка алынган частьта хезмәт итә, - ди Чистай шәһәре, Чистай һәм Яңа Чишмә районнарының хәрби комиссары Андрей Пичушкин. - Бу Андропов исемендәге 4нче аерым гвардияле Кантемиров Кызыл Байраклы Ленин Орденлы танк дивизиясе. Әйтергә кирәк, без көзге чакырылыш планын арттырып үтәдек.
Армиягә алынучылар арасында ДОСААФ техник мәктәбендә хәрби-исәпләү белгечлекләре алган, урта махсус һәм югары уку йортларын тәмамлаганнар да бар. Хәзерге вакытта армиягә шактый белемле егетләр бара. Армиягә махсус-техник белеме, физик, рухи яктан әзер, заманча техника белән идарә итү күнекмәләре булган кешеләр кирәк.
Егетләргә уңышлы хезмәт итүләрен, ышанычлы дуслар-хезмәттәшләр, гадел, зирәк командирлар телибез!
Редакциядән: Якыннары «Якташларыбыз хезмәт итә» сәхифәсе астында газета битләрендә үз улларының, оныкларының, ир туганнарының, яраткан кешеләренең көндәлек хезмәтләре турында сөйләргә теләсәләр, без бик шат булыр идек. Моның өчен безнең редакциягә (Ленин ур., 2а) шәхсән килергә яки безнең chis2006@yandex.ru электрон адресыбызга солдат (фотосы белән) турында язып җибәрергә мөмкин.
Следите за самым важным и интересным в Telegram-каналеТатмедиа
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев