Дөньяда иң матур тел – ул минем туган телем
Туган телләр һәм халыклар бердәмлеге елы уңаеннан «Чистай хәбәрләре» газетасы редакциясе Чистай үзәк китапханәсе каршында эшләп килүче «Энҗеләр» әдәби берләшмәсе белән берлектә «Дөньяда иң матур тел – ул минем туган телем» дип исемләнгән иҗади бәйге игълан итә.
Әлеге бәйгенең максаты – каләм тибрәтүче якташларыбызны барлау, алар иҗаты аша телебезнең матурлыгын, аһәңен күрсәтү, яшь буынны иҗатка тарту.
Бәйгегә шәһәребездә һәм районыбызда яшәп иҗат итүчеләрнең шигырь-поэмалары, бәет-мөнәҗәтләре кабул ителә. Туган телебезгә, тарихыбызга, буыннар дәвамчанлыгына багышланган шигырьләр булса, яхшырак.
Бәйге «Шигырь язам әнкәм телендә» һәм «Җан авазы – бәетләрдә» исемле ике номинациядә, 18 яшькә кадәрле балалар һәм өлкәнрәкләр арасында үткәрелә. Үткәрү вакыты – 2021 елның 20 февраленнән 22 апреленә кадәр.
Аның шартлары гади генә. Катнашучыга үзе иҗат иткән шигырен яисә бәет-мөнәҗәтен безнең редакциягә Ленин урамы, 2а адресы буенча китерергә яисә chis2006@yandex.ru электрон почтага җибәрергә кирәк. Иҗат җимешләрегез газетабыз битләрендә дөнья күрәчәк.
Җиңүчеләрне бүләкләр көтә!
«Дөньяда иң матур тел – ул минем туган телем» конкурсын оештыручы - «Татмедиа» АҖ филиалы «Чистай-информ» һәм Чистай үзәк китапханәсе каршында эшләп килүче «Энҗеләр» әдәби берләшмәсе. Бәйгене үткәрү вакыты – 2021 елның 20 февраленнән 22 апреленә кадәр. Тулырак мәгълүмат 5-11-49 телефоны буенча.
Следите за самым важным и интересным в Telegram-каналеТатмедиа
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев