Чистайда браконьерны тоткарлаганнар

ТР Биологик ресурслар буенча дәүләт комитеты һәм полиция хезмәткәрләренең «Чиста болыннар» тыюлыгында уртак рейды хокук бозучыны тоткарлау белән тәмамланган. Чара барышында тыелган балык тоту коралларын кулланып, су биоресурсларын законсыз тоткан гражданин ачыкланган. Тоткарланучыдан кабартылган көймә һәм тыелган балык тоту кораллары тартып алынган.

ТР Биологик ресурслар буенча дәүләт комитеты матбугат хезмәте хәбәр иткәнчә, хәзерге вакытта «Су биологик ресурсларын законсыз тоту» маддәсе буенча җинаять эше кузгату мәсьәләсе хәл ителә.