Чистай-информ
  • Рус Тат
  • Чистайлылар тарихи һәм мәдәни һәйкәлләрне торгызуга өлеш керттеләр

    26 гыйнварда Казан Кремлендә ел саен үткәрелә торган Татарстан Республикасы тарихи һәм мәдәни һәйкәлләрне торгызу республика фонды Иганәчеләре китабын һәм Рәхмәт хатларын тапшыру тантанасы булып узды. Анда чистайлылар да катнаштылар.

    Бу юлы Татарстан Респуб­ликасы Дәүләт Киңәшчесе, «Яңарыш» республика фон­дының Попечительләр советы рәисе Минтимер Шәймиев Иганәчеләр китабының җиденче томын тапшырды, анда тарихи мирасны торгызуга саллы өлеш керткән 20 мең иганәченең исеме кертелгән.
    Китапны һәм Рәхмәт хатын Федерация Советы әгъзасы Илдус Әхмәтҗанов, Чистай муниципаль районы башлыгы Дмитрий Иванов, «Бетар» фирмасының директор урынбасары Антон Зайцев алды. Алар шулай ук Свияжск һәм Болгарны торгызуга үзләреннән өлеш керт­кәннәр. Хәзер иганәчеләр яр­дәмендә җи­мереклекләр үткәндә калды. Сугыш һәм хезмәт ветераннары элеккечә алдынгы позициядә торалар. Чистай районы ветераннар советы рәисе Искәндәр Минсафин Рәхмәт хаты алды.

    Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: