Чистайда COVID-19 каршы вакцинацияләүнең икенче этабы башланды

Декабрь уртасында яңа коронавирус инфекциясеннән прививка ясаткан Чистай үзәк район хастаханәсенең медицина хезмәткәрләренә кичә икенче (соңгы) вакцинация уздылар. Бу хакта Чистай үзәк район хастаханәсенең матбугат хезмәте хәбәр итә.

COVID-19дан вакцинация ике этапта уза. 21дән соң беренче прививкадан соң вакцина уколларын кабат ясыйлар. Чистайлыларны короновирустан вакцинацияләүнең беренче этабы 16 декабрьдә башланды. Ул чакта медицина хезмәткәрләре прививка ясаттылар.

– Иммунитет формалашсын өчен, беренчесеннән соң 21 көннән тагын бер укол ясарга кирәк. Шуңа күрә элек прививка ясаткан медицина хезмәткәрләренә «Гам-КОВИД-Вак» вакцинасының икенче компонентын керттеләр, – дип сөйләде Чистай үзәк район хастаханәсенең табиб-инфекционисты Румия Хәсәнҗанова.

Исегезгә төшерәбез, COVID-19дан вакцина ясар алдыннан берничә тикшеренү ясарга һәм хроник авырулар, аллергия, респиратор авырулар симптомнары булу-булмауга анкеталау узарга кирәк. Прививка ясарга теләүчеләргә мәҗбүри тәртиптә ПЦР-тест үткәрәләр. Тискәре нәтиҗә булган очракта, антитәнчекләр булу-булмауга экспресс-тест үткәрелә. Алар булмаганда вакцинация ясау рөхсәт бирелә. Моннан тыш, прививка ясарга теләгән кеше ирекле мәгълүмати ризалык бирә, терапевт тарафыннан карала. Аңа температураны, кан басымын, кан сатурациясен үлчиләр. Шуннан соң гына вакцинация ясала.