Җәмгыять
Чистай районында инсультны кисәтү буенча акция үтте
Бөтендөнья инсульт белән көрәшү көнен үткәрү кысаларында Чистай үзәк район дәваханәсендә инсультларны кисәтү буенча акция узды.
Акция кысаларында барлык теләүчеләр тикшерү үтә алдылар. Ун кешедә йөрәк-кан тамырлары авырулары барлыкка килү куркынычы барлыгы ачыкланды. Аларга сәламәт яшәү рәвеше алып бару, туклануны үзгәртү, хезмәт, ял итү һәм физик активлык режимын үтәү буенча тәкъдимнәр бирелде. Шулай ук акциядә катнашучыларга инсультны кисәтү, гипертония авыруы буенча 50дән артыграк кечкенә китапчык таратылды.
Чистай үзәк район дәваханәсенең муниципальара беренчел кан тамырлары үзәге шартларында 1,5 меңгә якын пациент дәвалану үтә, шул исәптән Кама аръягы районнарыннан. Агымдагы елда беренчел кан тамырлары үзәге шартларында 500дән артыграк кеше махсуслаштырылган медицина ярдәме алган, һәр дүртенче пациентка тромболитик терапия үткәрелгән.
Следите за самым важным и интересным в Telegram-каналеТатмедиа
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев