«Чиста ярлар» акциясе узачак

ТР Экология һәм табигый ресурслар министрлыгы, Рус географик җәмгыятенең җирле бүлеге, "Бердәм Россия" Бөтенроссия сәяси партиясенең Татарстан төбәк бүлегенең җирле бүлекчәсе, җирле хакимият ярдәмендә яшьләрнең су асты археологик отряды әгъзалары яр буе зонасын төзекләндерү, чис­тарту белән беренче ел гына шөгыльләнмиләр. Бу юлы алар "Яшьлек" паркы акваториясен һәм территориясен тәртипкә китерәчәкләр. Волонтерлар шәһәребез язмышына битараф булмаган барлык чистайлыларны экологик акциягә кушылырга чакыралар. Җыелу 10 сәгатьтә, "Яшьлек" паркында.