Башкарма комитетка яңа җитәкче сайланды
Узган атнада шәһәр советының утыз өченче утырышы булды
Утырышта тикшерелгән темаларның берсе – шәһәр башкарма комитет җитәкчесен билгеләү турындагы мәсьәлә булды. Исегезгә төшерәбез, моңа кадәр әлеге вазифаны башкарган Александр Заиконниковтан үз вәкаләтләрен алдан төшерү турында гариза керде. Шуннан соң шәһәр башкарма комитет җитәкчесе вазифасына конкурс игълан ителде.
– Шәһәр башкарма комитет җитәкчесе вазифасына кандидатларны тикшереп һәм фикер алышып, конкурс комиссиясе Рәхимов Илдар Фаил улы һәм Юртаев Евгений Владимирович кандидатураларын тикшерүгә чыгарды, – дип мәгълүмат бирде конкурс комиссиясе сәркатибе Ольга Добронравова.
Ачык тавыш бирү нәтиҗәсендә шәһәр башкарма комитеты җитәкчесе итеп Илдар Фаил улы Рәхимов сайланды.
– Депутатларга күрсәткән ышанычлары өчен рәхмәт сүзләре җиткерәсем килә. Шәһәрдә хәл итәргә тиешле мәсьәләләр күп, болар – каты көнкүреш калдыкларын чыгару, юлларны ремонтлау һәм тулаем төзекләндерү. Алар өстендә эшләрбез, республика программаларында актив катнашырбыз, – диде Илдар Рәхимов.
– Эш җиңел түгел, җаваплы якын килүне, көч, сыйфатлы эшләүне, халык белән элемтә көйләү осталыгын таләп итә һәм аларның үтенечләрен тиз арада хәл итүне сорый, – дип ассызыклады Дмитрий Иванов.
Шәһәр башкарма комитеты җитәкчесенә үз теләкләрен шулай ук ТР Дәүләт Советы депутаты Виктор Смыков та җиткерде:
– Комиссиядә без Илдар Рәхимов белән җентекле сөйләштек, ул уңай тәэсирләр калдырды. Әмма алда катлаулы эш көтә, шуңа күрә аңа уңышлар телисем килә.
2019 елга һәм 2020-2021 елларның планлы чорына «Чистай шәһәре» муниципаль берәмлеге бюджетына үзгәрешләр кертү турындагы доклад белән финанс-бюджет палатасы җитәкчесе Наталья Карманова чыкты.
– Ел башыннан күп вакыт үтмәсә дә, шушы вакыт эчендә бюджетның керем һәм чыгым өлешендә һәм хәтта дефицитны каплау чыганагында үзгәрешләр барлыкка килде, – дип билгеләп үтте Наталья Афиногентовна. – Бюджетның керем өлеше тулаем 16 миллион 220 мең сумга артты. Шуны да билгеләп үтәргә кирәк, 1 гыйнварга бездә 2018 ел өчен 33 миллион 714 мең сум күләмендә өстәмә алынган керем барлыкка килде. Бүгенге көндә без әлегә планлы билгеләнешләргә ориентлашабыз.
Финанс-бюджет палатасы җитәкчесе докладын тыңлап һәм фикер алышып, депутатлар шәһәр бюджетына үзгәрешләр кертүче карар кабул иттеләр.
Следите за самым важным и интересным в Telegram-каналеТатмедиа
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев