Чистай-информ
  • Рус Тат
  • Балалар поликлиникасы проекты үсмерләрне үз-үзләренә ышанырга мәҗбүр итә

    Чистай үзәк район хастаханәсе республиканың медицина учреждениеләре арасында беренчеләрдән булып балигъ булмаганнар эшләре буенча подразделе­ниедә һәм балигъ булмаган­нар эшләре буенча комис­сиядә исәптә торучылар белән ведомствоара эшкә кушылды

    2015 елда балигъ булмаганнар арасында кабат хокук бозуларны булдырмау ниятеннән Чистай үзәк район дәваханәсе авыр­ тормыш хәлендә калучы балаларны яклау Фонды оештырган Бөтенроссия конкурсында катнашты.
    - Грантка дәгъва белдерүчеләр Россиянең төрле 300 төбәгеннән катнашты. Балалар поликлиникасы хезмәткәрләре эшләгән «Үзеңә ышан!» пректы югары бәя алды.Аны тормышка ашыруга фонд тарафыннан 1 миллион сум акча бүлеп бирелгән иде, - дип сөйли балалар поликлиникасы мөдире Ольга Гаврилова (рәсемдә уңда). - Проектның үсмер яшьтәге балаларга багышлануы юкка гына түгел, чөнки бу чор кеше тормышында иң авыр этапларның берсе. Нәкъ менә шушы вакытта, тулаем алганда, кешенең тормыш өстенлекләре һәм кыйммәтләре формалаша. Кай вакыт бала үз-үзен дә, якындагыларны да аңламый башлый. Бала авыр хәлгә калып, бу авырлыктан үзе генә чыга алмаган очракта медикларның, психологларның үз вакытында ярдәм итүләре кирәк.Балигъ булмаган үсмер өйдә үзен аңламыйлар, яратмыйлар дип уйлый, җиңелрәк тоелган юлны сайлый башлый.
    - Балалар өчен нинди чаралар үткәрелде?
    - Үзган елның 1 апреленнән әлеге проектны тормышка ашыру бара.Шул вакыт эчендә фонд акчасына алынган методика буенча балалар өчен психологик диагностика үткәрелде. Моңа шикләнү тесты, үсмернең үз-үзен аддектив тотышын бәяләү керә.
    Казан медицина университе­ты психологы Татьяна Савельева үсмерләр белән «Хис-тойгыларны тыя белү» дип исемләнгән социальләштерү һәм реаби­лита­цияләү буенча тренинг үткәрде. Ан­да берничә белем бирү учреждение­ләре арасыннан 25 бала катнашты. Балалар тискәре уй-кичерешләрне җиңү өчен кирәк булган уңай эмоцияләр алдылар.
    Планлаштырылган чараларның берсе - Яр Чаллы шәһәренә дельфинарийга сәяхәт иде, ул балаларга уңай тәэсирләр, җылы, матур истәлекләр бүләк итте. Уңай эмоциональ фон тудыру, мускул һәм психоэмоциональ киеренкелекне бетерү, үсмерләрдә күңел тынычлыгы, кәеф күтәренкелеге булдыру өчен дәресләр үткәрергә сенсор бүлмә өчен җиһазлар сатып алынды.
    Балаларга үз-үзләрен тикшереп карау өчен балалар шәһәр поликлиникасының медик-со­циаль ярдәм бүлеге белгечләре Н. Князева һәм Л. Чернышева шәһәр өяз музеена һәм Б. Пастернак мемориаль музеена экскурсия оештырдылар. Безнең шәһәр буенча экскурсия программасын йомгак­лап, балалар музейның сувенир салонында булдылар.Үсмерләргә сәнгать әсәрләре, кулдан ясалган курчаклар, Чистайның мәдәни мирасы объектлары төшерелгән сувенир медальоннары, декоратив тәлинкәләр һәм башка әйберләр тәкъдим ителде. Биредә балаларның мөстәкыйль иҗади эшчән­лек ысуллары куллану мөм­кинлекләре бар.
    - Сезгә кемнәр ярдәм итте?
    - Балигъ булмаганнар эш­ләре буенча подразделение, мәгариф идарәсе, «Балкыш» балаларга һәм гаиләгә социаль ярдәм күрсәтү бүлеге, балигъ булмаганнар хокук­ларын яклау буенча комиссия, «Форпост» үзәге безгә бик теләп ярдәм иттеләр. Без аларга рәхмәт белдерәбез һәм киләчәктә дә хезмәттәшлек итәрбез дип ышанабыз. Бердәмлектә - көч дигәндәй, барыбыз да бергә, бер максатка омтылып эшләгәндә генә яхшы нәтиҗәләргә ирешергә мөмкин.

    Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: