Авылыбыз тарихын онытмыйк!

Китапны язуда җа ваплы итеп абыйлы-энеле Әнвәр Вафа улы һәм Әхәт Ситдыйк улы Хафизовлар билгеләнде.

...Кызыл Ялан авылына 1928 елда биш гаилә күченә. Алар арасында Садыйк Ишморатов һәм Садыйк Хафизов гаиләләре булганы да мәгьлүм. Сүз уңаеннан, Әхәт Ситдыйк улы Хафизов Садыйк Хафизовның оныгы була да инде. Китапның автор-төзүчесе Фидаил Васил улы Мәҗитов.

Һәм менә, ниһаять, авыл халкы өчен зур шатлыклы вакыйга: быелның 9 июлендә Кызыл Ялан авылы тарихына багышланган китап дөнья күрде. Бу игелекле эшне башкаручыларның барысына да зур рәхмәт, игелекләре меңе белән үзләренә кайтсын. Татар халкында «Яхшылык эшлә дә суга сал, халык белмәсә, балык белер, балык белмәсә, Халикъ – Ходай белер» диләр.

Кызыл Ялан авылы милләтебезгә батырлыгы, хезмәте һәм гыйлеме белән чын-чынлап горурланырлык шәхесләр буләк иткән. Яланлыларның тормыш гамәле, тырышлыгы һәм рухи матурлыкка, сафлыкка омтылып яшәүләре сокланырлык. Китапны укыгач, сез үзегез дә моңа инанырсыз.

Китап буенча тулырак мәгьлүмат аласыгыз килсә, «Әнәс» мәчетенә мөрәҗәгать итегез.