8 июнь – Социаль хезмәткәр көне!

Социаль хезмәттә иң яхшы әхлакый сыйфатларга ия кешеләр эшли. Сезнең игелекле катнашуыгыз, игътибарыгыз, сабыр, сизгер була белүегез өлкән яшьтәге кешеләр, ветераннар, мөмкинлекләре чикләнгән кешеләр, күп балалы, аз тәэмин ителгән гаиләләр өчен алыштыргысыз ярдәм.

Безнең районда социаль хезмәт күрсәтү өлкәсендә дистәләгән кеше эшли. Дәүләт тарафыннан халыкның социаль сәясәтенә елдан-ел күбрәк игътибар бирелә. Гражданнарга социаль ярдәм чараларын киңәйтү һәм яңа социаль хезмәт күрсәтү учреждениеләре төзелү моңа дәлил булып тора.

Мәрхәмәтле, олы йөрәгегез, ярдәмгә мохтаҗ кешеләрне җылыта алуыгыз өчен рәхмәт сүзләрен кабул итегез!

Дмитрий Иванов, Чистай муниципаль районы башлыгы