Бөтенроссия олимпиадасында өченче урынны алдылар

Олимпиада Санкт-Петербургтагы мәгълүмати технология, механика һәм оптика буенча милли-тикшеренү университетында узды. Ул РФ Мәгариф һәм фән министрлыгы тарафыннан база вузы буларак билгеләнде. Анда Россиянең һәм БДИ илләренең 15 вузыннан иң яхшы, көндәшләргә лаеклы 20 команда катнашты. Түбәндәге өлкәләрдән биремнәр тәкъдим ителде: теоретик механика, материалларның каршы торучанлыгы, механизмнар һәм машиналар теориясе, машиналар детальләре, үзараалмашу нигезләре. Безнең команда биремнәрне уңышлы үтәде һәм бу аларга призерлар арасына эләгү мөмкинлеге бирде. Бөтенроссия олимпиадасында "Восток" филиалы командасы составында Л. Дәүләтшина, Р. Язынина, А. Хатимов, П. Ларин (аларның җитәкчеләре физика-математика фәннәре кандидаты, доцент Л. Терентьева) чыгыш ясады. Алар белән чыннан да горурланырга мөмкин, чөнки, востоклылар әлеге олимпиадада күп тапкырлар уңышлы чыгыш ясадылар. Булдырдыгыз!